Shakthi FM

குற்றப்பயிற்சி

இயக்குனர் பாலாவுடன் ‘தாரை தப்பட்டை’ படத்தில் பணிபுரிந்த வெர்னிக் இயக்கும் படம் ‘குற்றப்பயிற்சி’. சமீபகாலமாக கதையில் முக்கியத்துவமுள்ள கேரக்டர்களை மட்டுமே தேர்ந்தெடுத்து நடித்து வரும் த்ரிஷா இந்த படத்தில் கதையின் நாயகியாக நடிக்கிறார். இந்த படத்தின் கதை 1980 காலகட்டத்தின் பின்னணியில் நடக்கும்படி அமைக்கப்பட்டுள்ளதாம். இதில் த்ரிஷா பெண் துப்பறிவாளர் வேடம் ஏற்று நடிக்க, சுரபி, சூப்பர் சுப்பராயன் உள்ளிட்ட பலரும் த்ரிஷாவுடன் நடிக்கின்றனர். உண்மை சம்பவத்தை வைத்து உருவாக்கப்பட்டுள்ள கதையாம் ‘குற்றப்பயிற்சி’ தமிழ் சினிமாவில் படத்தின் முதன்மை கதாபாத்திரம் பெண் துப்பறிவாளராக வருவது இதுதான் முதல் முறை என்கின்றனர் படக்குழுவினர். இந்த படத்திற்கு ரதன் இசை அமைக்கிறார்.

மணிரத்னம் படத்தில்...

மணிரத்னம் அடுத்து இயக்கவிருக்கும் படத்தில் விஜய்சேதுபதி, ஃபஹத் ஃபாசில், அரவிந்த்சாமி, சிம்பு, ஜோதிகா, ஐஸ்வர்யா ராஜேஷ் முதலானோர் நடிக்க இருக்கிறார்கள் என்ற தகவலை படக்குழுவினரே உத்தியோகபூர்வாமக அறிவித்திருந்தார்கள். இப்போது இந்த படத்தில் மேலும் சில நட்சத்திரங்கள் இணையவிருக்கிறார்கள் என்ற தகவல் கிடைத்துள்ளது. அவர்களில் ஒருவர் மணிரத்னம் இயக்கத்தில் ‘காற்றுவெளியிடை’ படத்தில் நடித்த பாலிவுட் நடிகையான அதிதி ராவ் ஹைத்ரி. இன்னொருவர் மலையாளத்தில் சூப்பர் ஹிட் படமாக அமைந்த ‘அங்கமாலி டைரீஸ்’ படத்தில் நடித்த ஆண்டனி வர்கீஸ்! இவர்கள இருவரும் மணிரத்னம் படத்தில் நடிக்க ஒப்பந்தமாகியுள்ளார்கள் என்றும் இது குறித்த உத்தியோகபூர்வ அறிவிப்பு விரைவில் வெளியாகும் என்றும் கூறப்படுகிறது. இப்படத்தின்

தொடங்கியது மாரி 2

கடந்த 2015 வெளிவந்த மாரி திரைப்படத்தின் இரண்டாம் பாகத்தின் படப்பிடிப்பு இன்று (22.01.2018) ஆரம்பமானது. தனுஷ்,சாய்பல்லவி,ரோபோசங்கர் நடிக்கவிருக்கும் இந்த மாரி-2 திரைப்படத்துக்கு யுவன்சங்கர் ராஜா இசையமைக்கிறார். இந்தப் படத்தில் ஒரு பாடலை இசைஞானி இளையராஜா பாடியுள்ளமையும் குறிப்பிடத்தக்கது.

தள்ளிப்போன நாச்சியார்

பாலா இயக்கத்தில் ஜோதிகா மற்றும் G.V.பிரகாஷ் நடிப்பில் வெளிவரவிருக்கும் ‘நாச்சியார்’ திரைப்படம் எதிர்வரும் பெப்ரவரி 9ஆம் திகதி திரைக்கு வரும் என படக்குழுவால் அறிவிக்கப்பட்டது, ஆனால் இப்போது படத்தின் போஸ்டர் குறித்து சில வேலைகள் முடிவடையாததன் காரணமாக வெளியீட்டுத் திகதி ஒரு வாரம் தள்ளிப்போடப்பட்டுள்ளது. எனவே திரைப்படம் பெப்ரவரி 16ஆம் திகதி திரையரங்குகளுக்கு வரும் என உறுதிசெய்யப்பட்டுள்ளது.

சக்தியின் வானலைக்கல்லூரி - இரண்டாவது நாள்

சக்தியின் வானலைக்கல்லூரி மூன்றாவது செயலமர்வின் இரண்டாவது நாள் தலவாக்கலை St.Patrick’s கல்லூரியில் நூற்றுக்கணக்கான மாணவர்களின் பங்குபற்றுதலுடன் மிகச் சிறப்பாக 19.01.2018 அன்று நடைபெற்றது.

நம்ம வீட்டு திருமணம்

  சக்தியின் நம்ம வீட்டு திருமணத்தின் முதல் வெற்றியாளரான கொட்டகலையை சேர்ந்த கலாமதிக்கு திருமண ஆடைகள் மற்றும் திருமண மாங்கல்யம் ஆகியன எங்களுடைய அனுசரணையாளர்களால் இன்று (18/01/2018) வழங்கப்பட்டது. இந்த நிகழ்வில் சக்தி FM இன் அலைவரிசை பிரதானி R.P அபர்ணாசுதன் அவர்களும், சந்தைப்படுத்தல் முகாமையாளர் கிரிஷான் மற்றும் சக்தி FM இன் ஊழியர்களும் கலந்துகொண்டதோடு கலாமதியின் குடும்பத்தினரும் கலந்து சிறப்பித்திருந்தனர்.

சக்தியின் வானலைக்கல்லூரி - Radio Club

  சக்தியின் வானலைக்கல்லூரி மூன்றாவது செயலமர்வு மலையகத்தின் செனோன் தமிழ் மகா வித்தியாலயத்தில் நூற்றுக்கணக்கான மாணவர்களின் பங்குபற்றுதலுடன் மிகச் சிறப்பாக 18.01.2018 அன்று நடைபெற்றது.

மீண்டும் இணையும் கௌதம் மேனன்  மாதவன் கூட்டணி

2001ஆம் ஆண்டு ‘மின்னலே’ படத்தின் மூலம் தமிழ் சினிமாவில் இயக்குனராக அறிமுகமானார் கௌதம் வாசுதேவ் மேனன். அப்படத்தில் நாயகனாக நடித்தவர் மாதவன். அந்தப் படம் வெளிவந்து கிட்டத்தட்ட 17 வருடங்கள் கழித்து மீண்டும் கௌதம் மேனன் இயக்கத்தில் மாதவன் நடிப்பதற்கான பேச்சுவார்த்தைகள் நடைபெற்று வருவதாக கூறப்படுகிறது. இப்படம் தமிழ், ஹிந்தி, ஆங்கிலம் என ஒரே நேரத்தில் மூன்று மொழிகளில் உருவாக்குவதற்கான வேலைகளும் நடைபெற்று வருகிறதாம். தற்போது விக்ரமின் துருவநட்சத்திரம் மற்றும் தனுஷின் ‘எனை நோக்கிப் பாயும் தோட்டா’ படங்களில் பிஸியாக கௌதம் மேனன் இருக்கிறார். அதேபோல் சற்குணம் இயக்கத்தில் உருவாகிவரும் இன்னும் பெயரிடப்படாத புதிய படமொன்றில் நடித்து வருகிறார்

விக்ரம் சூரியிடம் மன்னிப்பு கேட்டார்

விஜய்சந்தர் இயக்கத்தில் விக்ரம், தமன்னா, ஸ்ரீமன், ஆர்.கே.சுரேஷ் முதலானோர் நடித்த ‘ஸ்கெட்ச்’ திரைப்படம் பொங்கலன்று வெளியானது. இப்படம் வெற்றிப் படமாக அமைந்ததை தொடர்ந்து இப்படத்தின் Success Meet சென்னையில் நடைபெற்றது. அப்போது நடிகர் விக்ரம் பேசும்போது, ‘‘இந்த படத்தின் வெற்றிக்கு முக்கிய காரனம் இயக்குனர் விஜய்சந்தர் தான். அவர் கதை சொன்ன இருபது நிமிடத்தில் இந்த கதை மிகப் பெரிய வெற்றியை கொடுக்கும் என்பதை நான் ஊர்ஜிதம் செய்தேன். விஜய்சந்தரை போல இந்த படத்தின் வெற்றிக்கு எஸ்.எஸ்.தமனின் இசையும் முக்கிய காரணம். அவர் உட்பட இந்த படத்தில் பணியாற்றிய அனைவருக்கும் என் நன்றிகள்’’ என்று தெரிவித்த விக்ரம் இந்த

கஜினிகாந்த்

ஹர ஹர மஹாதேவகி, இருட்டு அறையில் முரட்டு குத்து படங்களைத் தொடர்ந்து ஸ்டுடியோ கிரீன் கே.ஈ.ஞானவேல் ராஜா தயாரிப்பில் உருவாகும் ‘கஜினிகாந்த்’ படம் மூலம் ஹாட்ரிக் கூட்டணி அமைத்துள்ளார் இயக்குனர் சந்தோஷ் பி.ஜெயக்குமார். ஆர்யா, சாயிஷா நடிக்கும் இப்படத்தின் படப்பிடிப்பு கடந்த நவம்பர் இறுதியில் தொடங்கியது. இப்படத்திற்காக மொத்தம் 15 நாட்கள் மட்டுமே ப்ரீ புரொடக்ஷனுக்காக எடுத்துக் கொள்ளப்பட்டதாம். அதோடு, இப்படத்தின் படப்பிடிப்பை ஒட்டுமொத்தமாக 40 நாட்களில் முடிக்க திட்டமிட்டிருந்தனர். அதன்படி இம்மாதம் 30ம் தேதி இப்படத்தின் படப்பிடிப்பை நிறைவு செய்யவிருக்கிறார்களாம். ஏற்கெனவே வெளிவந்த ‘கஜினிகாந்த்’ படத்தின் டீஸரைத் தொடர்ந்து சிங்கிள் டிராக் ஒன்றையும் ரிலீஸ் செய்துள்ளனர். அதோடு,