சக்தி FM இன் கிரிக்கட் கொண்டாட்டம்

மலையக கிரிக்கட் வீரர்களுக்கான மிகச் சிறந்த வாய்ப்பினை வழங்கியிருந்தது சக்தி FM இன் கிரிக்கட் கொண்டாட்டம். டிசம்பர் 22ஆம் 23ஆம் திகதிகளில் தலவாக்கலை பொது விளையாட்டு மைதானத்தில் நடைபெற்ற மாபெரும் மென்பந்து கிரிக்கட் சுற்றுப் போட்டியில் மலையகம் முழுவதிலும் இருந்து 80 அணிகள் பலப்பரீட்சை நடாத்தியிருந்தன. அதில் நானுஓயா CYC அணி வெற்றிபெற்று ஒரு லட்ச ரூபாவையும் வெற்றிக்கிண்ணத்தையும் தமதாக்கிக்கொண்டது. இரண்டாமிடத்தை வட்டவளையை சேர்ந்த Indian Power Team ஐம்பதாயிரம் ரூபாய் பணப்பரிசையும் இரண்டாமிடத்துக்கான கிண்ணத்தையும் பெற்றுக்கொண்டது. மேலும் தொடரின் சிறப்பாட்டக்காரராக Indian Power Team இன் வீரர் சிவா 25000 ரூபாய் பணத்துடன் கிண்ணத்தையும் போட்டியின் சிறப்பாட்டக்காரராக CYC அணியின் வீரர் சுபாஷ் 10000 ரூபாய் பணத்தையும் கிண்ணத்தையும் பெற்றுக்கொண்டனர்.