கபாலிக்காக முடியை வெட்டிய தன்ஷிகா – Shakthi FM

கபாலிக்காக முடியை வெட்டிய தன்ஷிகா

கபாலிக்காக முடியை வெட்டிய தன்ஷிகா

பேராண்மை’, ‘அரவான்’, ‘பரதேசி’ என்று வித்தியாசமான படங்களாகத் தேர்ந்தெடுத்து நடித்து ரசிகர்களின் மனதில் இடம்பிடித்தவர் தன்ஷிகா. தற்போது ‘கபாலி’ படத்தில் ரஜினியுடன் சேர்ந்து நடித்ததில் மகிழ்ச்சியாக இருக்கிறார்.

கபாலியில் அவரது கதாபாத்திரம் குறித்து தெரிவிக்கையில்,

”அதில் நான் லேடி டானாக நடித்திருக்கிறேன். இதற்காக முடியை வெட்டவைத்து எனது கெட்டப்பை மாற்றியது இரஞ்சித் சார்தான். ‘காலக்கூத்து’ படத்தில் நடித்துக்கொண்டிருந்தபோது இரஞ்சித் சார் என்னை போன் செய்து அழைத்தார். அவரைப் போய் பார்த்தபோது இந்த கதாப்பாத்திரத்தைப் பற்றி கூறினார். ‘மிகச் சிறந்த கதாபாத்திரம். ஆனால் அதற்காக முடியை வெட்டவேண்டும்’ என்றார்.

‘முடியை வெட்ட வேண்டும்’ என்றதும் முதலில் அதிர்ச்சியாக இருந்தது. பிறகு என்னை சமாதானப்படுத்திக்கொண்டு சம்மதித்தேன். 4 நாட்கள் கழித்துதான் அவர் சொன்ன அந்த கதாப்பாத்திரம், ‘கபாலி’ படத்துக்கானது என்று தெரியவந்தது. ரஜினியுடன் நடிக்கப்போகிறோம் என்று தெரிந்ததும் நான் அடைந்த சந்தோஷத்திற்கு அளவே இல்லை.

என்னிடம் நிறையப் பேர் “எதற்காக முடியை வெட்டினாய்? விக் வைத்திருக்கலாமே” என்று கேட்டார்கள். அவர்களிடம் “விக் வைத்து நடித்தால் அது எப்படியும் காட்டிக் கொடுத்துவிடும். ‘கபாலி’யில் என் கதாப்பாத்திரம் படத்தில் மிகவும் முக்கியமானது. அந்தப் பாத்திரத்திற்காகத்தான் முடியை இழந்தேன்” என்றேன். படத்தைப் பார்க்கும் போது உங்களுக்கே அதன் முக்கியத்துவம் தெரியும்.”

என்றார்.